Dili, Kinta-feira, 11 Abríl 2024
Exelénsia Sekretàriu Estadu Ensinu Sekundàriu Jerál no Ensinu Sekundáriu Tékniku Vokasionál Sr. Domingos Lopes Lemos halo abertura formasaun ba Superintendente, Diretór Edukasaun Munisípiu no Inspetór Eskola sira ho tema sosializasaun no introdusaun prosedimentu padraun lisensiamentu no formatu vistória Dijitál, iha Tower Fatuhada.
Iha abertura Exelénsia Sekretariu Estadu ESJESTV Sr. Domingos Lopes Lemos deklara, momentu ida ne’e oportunidade di’ak tebes tanba presiza fahe hanoin ba malu liuhusi formasaun, fahe esperensia ruma no matéria ba Diretór munisípiu no Inspetór eskola sira, liuhusi inspetór nia programa ne’ebé mak lisensiamente no importante tebes.
" ha'u rekomenda hela ba Diretór Munisípiu, Superintendente katak iha formasaun ne’e durante loron rua atensaun didi'ak ba. Tanba sosializasaun no introdusaun prosedimentu, padraun lisensiamentu no formatu vistória dijitál nune’e bele garante ambiente saudavél, seguru no estimulante ba labarik sira", katak Governante ne'e.
Enkuantu formasaun ne’e realiza husi Gabinete Avaliasaun Lisensiamentu Akreditasaun ho Inspesaun Jerál Ministériu Edukasaun nian durante loron rua.
#jornalistarita
#MédiaME
