Ermera, loron 16 fulan Setembru 2024
Sua Exelénsia Sekretáriu Estadu Ensinu Sekundáriu Jerál no Ensinu Sekundáriu Tékniku Vokasionál Sr. Domingos Lopes Lemos akompaña husi Diretór Nasionál Ensinu Sekundáriu Sr. Benjamin Fernandes, Diretór Nasionál Ensinu Sekundáriu Tékniku Vokasionál Sr. Fernando Gama, Diretór Edukasaun Munisípiu Ermera Sr. Francisco Marto de Araújo fahe ekipamentu mobiliariu hanesan kadeira no meza ho unidade 40 ba eskola Ensinu Báziku Filial 1,2,3 Ciclo Tocoluli Ermera segunda-feira ne’e.
Iha Intervensaun Sua Exelénsia Sekretáriu Estadu ESJ-ESTV Sr.Domingos Lopes Lemos hateten, ekipamentu ne'ebé mak ohin Ministériu Edukasaun lori mai iha eskola husu estudante atu utiliza ho kuidadu nune'e utiliza ho tempu naruk.
"Patrimóniu estadu ne'ebé mak rai iha ne'e imi nian, estudante mak tenki asegura ekipamentu sira ne’e. tanba fatin ida ne'e mak atu desidi imi estudante sira nia futuru, atu sai di'ak ka at iha fatin ida ne'e", dehan Governante ne'e.
Governante ne'e mós husu ba estudante sira atu aproveita tempu estuda ho di'ak, hodi dezenvolve rai Timor-Leste, liu-liu Ermera.
Hafoin fahe ekipamentu mobiliariu ne'e Exelénsia ho ekipa hala'o vizita mós ba eskola Tékniku Vokasionál Railaco, EBC 4 de Setembru, Eskola Sekundária Jerál Catolica Nossa Senhora de Fátima (NOSSEF) no EBC Railaco Leten.
MédiaME
