Oe-cusse,19-09-2024
Sua Exelénsia Sekretáriu Estadu ESJ-ESTV Sr. Domingos Lopes Lemos hamutuk ho Xefe Departamentu Rekursu Humanu Sr João Amaral distribui ekipamentus kadeira meza ba eskola Sekundáriu Jerál Baqui iha Kinta-feira ne'e.
Iha intervensaun Sua Exelénsia Sekretáriu Estadu ESJ-ESTV Sr.Domingos Lopes Lemos hateten, Ministériu Edukasaun atu responde ba preokupasaun ne'ebé mak Edukasaun Raeo presija hodi kapasita estudante sira nia koñesimentu iha area Edukasaun.
"Ohin loron mai vizita iha fatin ne'e distribui ekipamentus hanesan kadeira meza hodi tulun estundate sira iha prosesu aprendizajen,tanba ne'e husu ba manorin-nain sira iha Raeo kria relasaun di'ak ho estudante hodi aprende ho di'ak no partisipa iha atividade hodi kapasita motiva estudante sira, Dehan Exelénsia Sekretáriu Estadu ESJ-ESTV Sr.Domingos Lopes Lemos.
Governante ne'e reafirma tan manorin-nain halo komunikasaun di'ak ho Inan-aman sira hodi hanorin no eduka estundante sira ba futuru ho di'ak, no edukasaun atu la'o di'ak presija mós Inan-aman no manorin-nain nia tulun.
MediaME
Jornalista Erik
