SEKRETÁRIU ESTADU ENSÍNU SEKUNDÁRIU JERÁL NO ENSÍNU TÉKNIKU VOKASIONÁL REUNIAUN HO DIRETÓR EDUKASAUN MUNISÍPIU COVALIMA, SUPERINTENDENTE HO DIRETÓR ESKOLA.
Dili, Kuarta 09-08-023 Sekretáriu Estadu Ensínu Sekundáriu Jéral no Ensinu Tékniku Vokasionál Sr. Domingos Lopes Lemos akompania husi Diretór Nasionál Asaun Sosial Eskolar, Diretór Nasionál Infraestrutura, Diretor Nasionál Ensínu Sekundária Gerál, Diretór Nasionál Ensínu Tékniku Vokasionál, Diretór Protokolu, no representante Rekursu Umanu hala'o enkontru ho Diretór Eduksaun Munisípiu Covalima, Diretór eskola Sekundária, ESTV ho professor/a sira iha eskola Sekundária Gerál Públika (ESGP) Covalima.
Iha enkontru ne'e Sekretáriu Estadu Ensínu Sekundáriu Jéral no Ensínu Tekniku Vokasionál Sr.Domingos Lopes Lemos hateten, objetivu atu partilla informasaun kona-ba situasaun atuál ne'ebé mak agora dadaun eskola Covalima sira infrenta, tanba ne'e mak ohin diresaun ne'e mai hotu atu bele esplika detallu kona-ba situasaun sira ne'ebé mak eskola infrenta.
"Ohin sira apresenta kona-ba situasaun sira ne'ebé mak eskola infrenta, infraestrutura eskola nian no salariu vensimentu ba kargu sefia sira, eskola téknika sira presiza komputador", hateten Sekretáriu Estadu Ensinu Sekundáriu Jéral no Ensinu Tekniku Vokasionál Sr.Domingos Lopes Lemos hafoin enkontru iha eskola Sekundária Gerál Públika (ESGP)Covalima.
Entretantu governante ne'e esplika, Problema hirak ne'ebé maka eskola infrenta liu-liu rekursus umanu, infraestrutura parte Ministériu Edukasaun sei resolve iha tempu badak fazeadamente, tanba ensínu aprendizajen ne'e importante tebe-tebes.
Enkuantu hafoin enkontru remata eselénsia Sekretáriu Estadu Ensinu Sekundáriu Jéral no Ensinu Tekniku Vokasionál ho ekipa hamutuk ho Diretór edukasaun munisípiu hala'o vizita kedas ba eskola Sekundária Gerál Públika (ESGP)Covalima, Eskola Sekundária Téknika Vokasionál Akar-Laran, Konstrusaun eskola Kafe no eskola Sekundaria Gerál Zumalai.
Dadus husi Diretór Munisipiu Covalima hatudu, Eskola Munisípiu Covalima hamutuk 145, estudante hamutuk 22.541 manorin na'in hamutuk 1.140.
