S.E. MINISTRA EDUKASAUN PREZIDE SERIMÓNIA ISÁR BANDEIRA SEMANA DAHULUK IHA FULAN MARSU.
Díli, Segunda-feira, 04/03/2024
S.E. Ministra Edukasaun Dra. Dulce de Jesus Soares prezide serimónia isár Bandeira RDTL ba semana dahuluk fulan-marsu tinan 2024 atu bele fó onra no omenajen ba erói no mártir sira-nia-luta ba libertasaun nasonál durante tinan naruk nia laran. Serimónia isár Bandeira RDTL ne’e realiza iha resintu Ministériu Edukasaun, Vila-Verde.
Iha diskursu, S. E. Ministra Edukasaun Dra. Dulce de Jesus Soares husu ba dirijente hotu Ministériu Edukasaun nian atu mantein disiplina, liuliu ba sira ne’ebé servisu barak liu iha nível eskolaridade atu bele reforsa liután inspesaun atu bele garante implementasaun regra sira iha eskola.
“Ba Ministériu Edukasaun rasik, kona-ba regra ne’ebé aplika iha ne’e husu ita hotu atu halo tuir regra sira ne’ebé eziste atu evita infrasaun sira, atu bele servisu ho responsabilidade liuliu oinsá atu ajuda observa, monitoriza ba sasán sira ne’ebé mak la’o laloos iha eskola”, dehan S.E. Ministra Edukasaun.
