Dili, 01/04/2024- Exelénsia Ministru Edukasaun Interinu Sr. Domingos Lopes Lemos prezide serimónia Isar Bandeira semana dahaluk fulan Abríl tinan 2024, iha resintu Ministériu Edukasaun Vila-Verde segunda-feira ne'e.
Iha ámbitu serimónia Isar Bandeira, Exelénsia Ministru Edukasaun Interinu Sr. Domingos Lopes Lemos, iha nia diskursu husu funsionáriu Ministériu Edukasaun atu hatudu étika no servisu ho responsabilidade ba públiku, halo reflesaun ba idak-idak nia-an iha fulan ida ne'e nune'e bele hala'o servisu ho di'ak liutän, diferensa opiniaun ne'e normál, tanba liu husi diferensia sira hotu maka tau hanoin hamutuk hodi lori Ministériu Edukasaun ne'e ba oin no ba futuru ida ne'ebé di'ak liu.
"Hakarak apela ba direjente sira hotu katak ohin ita hahú prova ezame dahaluk ba tinan 2024 iha eskola teritóriu laran tomak, husu atu dirijente sira tun ba hala'o observasaun no monitorizasaun ba prosesu provas ne'e, nune'e bele la'o ho susesu", dehan Exelénsia Ministru Edukasaun Interinu Sr. Domingos Lopes Lemos.
#jornalistarita
#MédiaME
