MINISTRA EDUKASAUN ENKONTRU KORTEJIA HO REPRESENTANTE UNESCO
Dili, tersa 15/08/2023 - Ministra Edukasaun Dra. Dulce de Jesus Soares enkontru kortejia ho reprezentante United Nations Educational Scientific and Cultural Organization (UNESCO) hodi ko'alia kona-ba koperasaun entre Ministériu Eduksaun ho UNESCO iha Futuru.
Hafoin enkontru Ministra Edukasaun Dra. Dulce de Jesus Soares hateten, enkontru kortejia ho UNESCO ne'e atu atualiza fila-fali koperasaun ne'ebé mak durante ne'e Ministériu iha liu-liu kona-ba dezenvolvimentu kuríkulu iha mós atividade barak iha eskola.
"Buat di'ak tebe-tebes mak ohin UNESCO espresa katak sira hakarak apoiu ba dijitalizasaun edukasaun, ida ne'e programa ida iha IX Governu Konstitusionál nian, ami apresia tebe-tebes sira mós iha parseiru barak hodi servisu hamutuk atu bele lori programa ida ne'e la'o ho di'ak iha futuru", dehan nian.
Governante ne'e afirma, kooperasaun hirak ne'e sei diskusaun nia laran iha eskola balun maka iha ona ekipamentu, maibé Ministériu Edukasaun sei haree fila-fali lala'ok sira ne'e, depois ho apoiu mós husi parseiru sira Ministériu Edukasaun bele reforsa liu tan nia implementasaun
Iha fatin hanesan Representate UNESCO Maki Katsuno-Hayashikawa dehan, agora dadaun UNESCO apoia Ministériu Edukasaun liu husi projetu ida naran Peace and History Education no mós iha futuru haree oinsá UNESCO fó apoiu ba iha revizaun ba kuríkulu no dijitalizasaun edukasaun.
"Kona-ba programa sira ne'e agora dadaun ami seida'uk iha diskusaun nian laran, kona-ba orsamentu hira mak ami atu apoia seidauk hatene"
