Dili, 03/02/2020. Ministerio da Educaçao, Juventude e Desportu Sua. Ex. Dulce de Jesus Soares halo visita ba Escola Esperança da Patria, Becora, nudar izemplu ba implementasaun programa "Escola Verde", ne'ebe inisia tiha ona tinan 2016, serbisu hamutuk ho Secretario de Estado Meio Ambiente.
Escola refere convida Ministra hodi assiste rasik progresu hosi programa refere. Iha okaziaun ne'e Ministra Dulce, akompaña hosi Excia. Secretario de Estado Meio Ambiente, Demitrio Amaral, partisipa iha Içar Bandera, no kontinua ho Kuda ai-oan iha resintu escola refere, nu'udar jestu komprimisiu Ida ba kontinua melhoria programa refere iha futuru.
