Viqueque, Uaimori, 25 Junu 2022, (Sapientia)-Koalia kona ba edukasaun, ita koalia mós infraestrutura bázika ba eskola sira. Iha tinan ne’e Ministéru Edukasaun Juventude no Desportu, hahu halo konstrusaun uma eskola iha teritóriu laran tomak hamutuk 230. Agora dadaun ninia prosesu konstrusaun %30 até 40% ona .
Tinan oin, 2023, MEJD mós iha tan planu atu harí eskola. Dadaun ne’e ita iha ona orsamentu imprestimu husi Banku Mundial hamutuk $.15 Milões, atu harí eskola hamutuk 150, iha teritóriu laran tomak. Aumenta ho orsamentu Estadu, MEJD sei harí eskola hamutuk 250 iha teritóriu laran tomak iha tinan 2023.
Ne’e wainhira mandatu ramata, estimasaun konstrusaun uma eskola sei atinji 450 até 500 iha Timor-Leste laran tomak. Husi pré-eskolár to’o ensinu sekundáriu.
Media. Gab. Min. MEJD João Bosco
