Dili, 21 Junu 2022, (Sapientia)-Ministru Edukasaun Juventude no Desportu, Armindo Maia Tersa feira ne’e kria enkontru ho Sekretariu Estadu Juventude no Desportu inklui Assesor Cuba ne’ebe fo assesoria ba Sekretariu Estadu Juventude no Desportu kona ba kurrikulu ba matéria Edukasaun Fíziku Desportu iha nia knaar fatin Vila Verde Dili.
Iha okaziaun ne’e, reprezentante Assesor Cuba haktuir katak, Edukasaun Fíziku Desportu importante ba estudante sira. Tanba liu husi Edukasaun Fíziku Desportu bele forma ema nia mentalidade, ema nia Fíziku diak, Saude diak no aprende mós tekniku sira hodi kontrubui ba iventu Nasional no Internasional ho kualidade no tékniku furak liu tan. Tanba ne’e materia Edukasaun Fíziku Desportu tenke tau iha Kurrikulu Edukasaun Timor Leste
Iha biban ne’e mos, Ministru re-lembra katak, iha timor, materia Desportu la tama iha Kurrikulu. Maibe, ne’e tama iha ekstrakurrikuler. Ne’e duni ninia implementasaun iha semana ida hanorin dala ida de’it.
Iha Biban ne’e mós Sekretariu Estadu Juventude no Desportu, husu autorizasaun ba Ministru Edukasaun atu nomeia Dirijente balun hodi halo diaknóstika ba eskola sira molok halo kurrikulu ba materia edukasaun fíziku Desportu ba eskola sira.
Media. Gab. Min. MEJD
