Dili - Segunda-feira, 03 Juño 2024
Ministériu Edukasaun realiza serimónia Ixar Bandeira ba semana dahuluk fulan Juñu nian, iha resintu Ministériu edukasaun, ne'ebé dirije husi Exelénsia Sekretáriu Estadu Ensinu Sekundáriu Jerál no Ensinu Sekundáriu Téknika Vokasionál Sr. Domingos Lopes Lemos ne'ebé hanesan inspetór serimónia no partisipa husi funsionáriu Ministériu Edukasaun tomak.
Iha serimónia Ixar Bandeira ne’e, iha diskursu exélensia sekretáriu Estado EST no ESTV husu funsionáriu tomak atu habelar Lia Los, kolia buat ne'ebé mak Los, no labele bosok. Esperansa katak, iha fulan oin mai kada diresaun bele ba Munisípiu atu hodi Sai inspetur, hodi lori programa no planu stratejia Ministériu Edukasaun hodi ba habelar iha baze, hodi esplika ba professor sira, estudante sira, Inan Aman sira.
Governante ne'e akresenta, “husu ba dirijnte hotu atu tau etensauan no kontrola Másimo funsionáriu sira hodi partisipa serimónia Ixar bandeira iha semana dahuluk kada fulan. Atu hodi fó minuto Ida hodi valoriza ita Nia ukun an Ida ne'e no ba ita Nia heroi sira Nia sakrifika sira nia an hodi mate ba ukun an. Nu'udar sidadaun ne'ebé mak diak tenki hola parte iha serimónia Ixar bandeira kada fulan.
#MédiaMe
