Manufahi – loron, kinta-feira, 29 agostu 2024
Sua Exelénsia Ministra Edukasaun Dra. Dulce de Jesus Soares hamutuk ho Prezidente Autoridade Munisípiu Manufahi Sr. Luis Marçal da Costa Tavares, Veteranu/a, Juventude Rezisténsia, komunidade, profesór no estudante sira, partisipa iha misa agradesimentu ba Komemorasaun loron konsulta populár ba dala-25, husi 30 agostu 1999 to’o 30 agostu 2024. Misa agradesimentu ne’e selebra iha Igreija Parókia Nossa Senhora de Assunção Same.
Remata tiha misa agradesimentu ne’e Sua Exelénsia Ministra Edukasaun Dra. Dulce de Jesus Soares, atu agradese ba Maromak, ba eroi no eroina sira ne’ebé sakrifiika sira-nia ba luta libertasaun nasionál, nune’e, ohin loron Timor-Leste bele sai nasaun ida independente livre no demokrátiku.
“Husu ba estudante sira atu aproveita momentu ne’e hodi rona no tau atensaun másimu ba istória sira ne’ebé konta husi ita-nian inan-aman, avó feto no mane, ne’ebé uluk ba fota iha loron 30 agostu 1999. Nune’e, bele hametin liután sentidu patriotizmu, nasionalizmu, étika no morál atu bele kontribui estabilidade, paz no hakmatek iha rai-laran”, dehan Ministra Edukasaun.
Hafoin remata tiha misa, Sua Exelénsia Ministra Edukasaun Dra. Dulce de Jesus Soares, hamutuk ho Prezidente Autoridade Munisípiu Manufahi Sr. Luis Marçal da Costa Tavares, Veteranu/a, Juventude Rezisténsia, komunidade, profesór no estudante sira, hala’o viajen ba Jardim dos Herois Luak hodi tau ai-funan.
Iha ámbitu komemorasaun loron konsulta populár ne’e, Ministériu Edukasaun mós lori Biblioteka Móvel atu bele anima no hanorin estudante sira kona-ba literasia, numerasia no mós ai-knanoik sira hodi bele dezenvolve liután sira nia koñesimentu.
#MédiaME
