Manufahi - loron, sexta-feira, 30 agostu 2024
Sua Exelénsia Ministra Edukasaun Dra. Dulce de Jesus Soares hamutuk ho hamutuk ho Prezidente Autoridade Munisípiu Manufahi Sr. Luis Marçal da Costa Tavares, Veteranu/a, Juventude Rezisténsia, komunidade, profesór no estudante sira, partisipa iha atividade konta istória husi sasin sira kona-ba loron konsulta populár 30 agostu 1999.
Iha diskursu, Sua Exelénsia Ministra Edukasaun Dra. Dulce de Jesus Soares, hateten, Ministériu Edukasaun simu responsabilidade ida ne’e, atu dokumenta istória sira ne’ebé hato’o husi testemuñu sira iha loron hirak nia laran, atu sai livru no referénsia ba estudante sira hotu no mós ba profesór sira kontinua hanorin istória ne’e iha eskola sira ne’ebé hanorin ba.
“Ministériu Edukasaun iha responsabilidade tomak atu garante katak iha kurríkulu nasionál husi nivel ensinu hotu-hotu sei tau istória hirak ne’e atu bele hatutan nafatin ba estudante sira ne’ebé mak futuru jerasaun ba rai ida ne’e”, dehan Ministra Edukasaun.
Hafoin remata tiha atividade konta istória, Sua Exelénsia Ministra Edukasaun Dra. Dulce de Jesus Soares hamutuk ho hamutuk ho Prezidente Autoridade Munisípiu Manufahi Sr. Luis Marçal da Costa Tavares, Veteranu/a, Juventude Rezisténsia, komunidade, profesór no estudante sira, partisipa iha jogu animasaun, dada tali, halai karón no seluk tán hodi festeza loron nasionál ne’e.
Ates hahú atividade konta istória husi sasin sira, , Sua Exelénsia Ministra Edukasaun Dra. Dulce de Jesus Soares hamutuk ho hamutuk ho Prezidente Autoridade Munisípiu Manufahi Sr. Luis Marçal da Costa Tavares, Veteranu/a, Juventude Rezisténsia, komunidade, profesór no estudante sira, viajen husi Same-Vila ba monumentu Dom Boaventura nian iha Luak hodi husu lisensa ba realizasaun atividade Komemorasaun loron konsulta populár ne’e.
#MédiaME
