Díli – Loron Kinta-Feira, 24 Outubru 2024
Sua Exelénsia Ministra Edukasaun Dra. Dulce de Jesus Soares hamutuk ho Membru Governu Konstitusionál da-9 nian, hala’o reuniaun Konsellu Ministru extraordináriu hodi desidi fó toleránsia pontu iha loron 31 fulan-outubru tinan 2024, ne’ebé konsidera katak iha loron 1 no 2 fulan-novembru selebra Loron Santu sira hotu nian no Loron Matebian.
Data sira ho importánsia boot ba komunidade katólika no prevee ona hanesan feriadu nasionál tuir Lei n. 3/2016, loron 25 fulan-maiu. Desizaun ida-ne’e ho objetivu atu fasilita movimentu populasaun nian ba sira-nia rai moris fatin, hodi permite sira atu partisipa iha selebrasaun relijioza sira ne’e.
Reuniaun Konsellu Ministru extraordináriu ne’e lidera husi Sua Exelénsia Primeiru Ministru Kay Rala Xanana Gusmão, iha Palásiu Governu.
#MédiaME
