Dili, loron 10 Outubru 2024
Sua Exelénsia Ministru Edukasaun Interinu Sr. Domingos Lopes Lemos, hamutuk ho Diretór Jerál Ensinu Sekundáriu Sr. Deolindo da Cruz no Diretór Nasionál Ensinu Sekundáriu Jerál Sr. Benjamin F. da Cruz hala’o enkontru ho Diretór eskola sira hotu hodi sosializa informasaun kona-ba preparasaun Exame Nasionál tinan 2024 iha salaun Ian Martin Infordepe Balide Kinta-feira ne’e.
Iha intervensaun Sua Exelénsia Ministru Edukasaun Interinu hateten, objetivu husi enkontru ida ne’e atu konsolida liuliu ba preparasaun realiza exame nasionál anu letivu 2024.
“Totál husi kandidatu finalista ba tinan 2024 hamutuk na’in, rihun atus rua nulu resin-sia, ne’ebé maka preparadu hodi tuir ezame nasionál ba tinan ida ne’e. Númeru ne’ebé boot liu maka husi eskola Sekundáriu Jerál hamutuk na’in vinte quatru mil estudante, no Ensinu Sekundáriu Tékniku Vokasionál hamutuk na’in rihun haat”, dehan Governante ne’e.
Aleinde ne’e mos loron 11/10/2024 sei loke abertura hodi distribui materia Ezame Nasionál tinan 2024 nian ba iha Munisípiu sanunulu resin-tolu (13) inklui RAEOA.
#MédiaME.
JornalistaMario
