Baucau, 08/07/2024- Ministru Edukasaun Interinu Sr. Domingos Lopes Lemos inaugura edifisiu Pre-eskolár Loi-lubo, Postu Administrative Vemasse, Munisípiu Baucau, Segunda-feira ne’e.
Iha diskursu Ministru Edukasaun Interinu Sr. Domingos Lopes Lemos deklara,Agradese ba Educating the Future Organisation Austrália (EFT), tanba bele apoiu Ministériu Edukasaun liuhusi infraestrutura maski dala-ruma iha frakeza ituan, maibé ohin loron bele atinji ona edifísiu ida ne’e.
"Ohin ita mai inaugura Edifísiu Pre-eskolár Loi-lubo, ne'ebé volutariamente husi estudante sira husi Austrália, sira halo fundus angariasaun iha Austrália, sira hetan osan ituan hodi tulun ita halo edifísiu ida ne’e, edifísiu ida ne’e kapás tebetebes", katak Governante ne'e.
Governante ne'e akresenta, Dala barak Ministériu Edukasaun iha planu ne'ebé di'ak atu implementa, iha rai ida-ne’e, maibé labele halo dala ida de'it, maibé Ministériu Edukasaun halo fazeadamente. Husu komunidade sira labele husik animál iha resintu edifísiu, nune'e prosesu aprendizajen bele la'o ho di'ak, espera hotu-hotu bele asegura edifísiu ida ne’e, kontribui ba oan sira-nia futuru.
Fatin hanesan Xefi Progama Educating the Future (EFT) ba Timor-Leste Sr. Matthew Dunne reafirma, Agradese tebes ba hotu-hotu ba loron ida ohin bele hasoru malu hodi inaugura Edifísiu Pre-eskolár Loi-lubo, obrigado ba ema hotu-hotu ne'ebé hola parte iha konstrusaun ida-ne’e, liuhusi Ministériu Edukasaun, ohin loron bele konstrui ona edifísiu Pre-eskolár Loi-lubo.
"Ami espera ho konstrusaun ida ne’e bele fó oportunidade bo'ot tebes ba Loi-lubo, espera ita-boot sira bele kuidadu Pre-eskolár ida-ne’e, bele di'ak liu tan iha Futuru", hateten Representante EFT ne’e
Representante EFT ne’e dehan, EFT sei apoiu nafatin Governu Timor-Leste liuhusi Ministériu Edukasaun hodi hari'i edifísiu eskola sira iha Timor-Leste.
Enkuantu konstrusaun edifísiu Pre-eskolár Loi-lubo ne’e aula aprendizajen tolu (3), orsamentu hamutuk 45 Mil, orsamentu ne’e apoiu husi Educating the Future Organisation Austrália (EFT) no Autralian Departament of Foreing Affairs and Trade.
Hafoin hakat ba iha serimónia inaugurasaun edifísiu Pre-eskolár ne’e Exelénsia ho Dirijente Ministériu Edukasaun hala'o vizita uluk ba eskola Ensinu Báziku Filial Catolico Wilson Aubaca.
#MédiaME
