Ermera, 03/09/2024
Sua Exelénsia Ministra Edukasaun Dra. Dulce de Jesus Soares hamutuk ho Prezidente Autoridade Munisípiu Ermera Sr. José Martinho dos Santos Soares, hala’o enkontru ho dirijente sira servisu munisípiu nian inklui autoridade relijiozu sira, hodi ko’alia kona-ba preparasaun sarani Vigararia Ermera nian, atu mai partisipa iha misa Sua Santidade Papa Francisco nian iha Tasitolu Díli.
Hafoin remata enkotru, ba jornalista sira, Sua Exelénsia Ministra Edukasaun Dra. Dulce de Jesus Soares hateten, hanesan membru governu ne’ebé destaka hodi fó apóiu ba Munisípiu Ermera kona-ba preparasaun vizita Sua Santidade Papa Francisco, nune’e ohin hala’o enkotru ba dala ikus iha Ermera ho dirijente sira servisu munisípiu nian inklui autoridade relijiozu sira.
“Ita hein katak ho situasaun ida ne’e buat hotu bele la'o ho di’ak, páz no estabilidade, peregrinu sira sei viajen husi Munisípiu Ermera ba to’o iha akantonamentu Tibar, buat hotu bele la’o ho di’ak atu nune’e iha loron 10 fulan setembru, sira bele tuir misa, no husu ita hotu-hotu hasa'e orasaun katak vizita ba Sua Santidade Papa Francisco mós bele la’o ho di’ak hodi bele mai hasoru mału ho sarani sira iha Timor-Leste”. Tenik Ministra Edukasaun.
Pregrinu sira husi Munisípiu Ermera ne'ebé rejistu ona atu partisipa iha misa husi Sua SantidadePapaFrancisco, iha Tasi-Tolu, hamutuk na'in 14.330.
Hafoin remata tiha enkontru, Sua Exelénsia Ministra Edukasaun Dra. Dulce de Jesus Soares akompaña husi dirijente sira servisu Munisípiu Ermera ho dirijente sira Ministériu Edukasaun nian, observa mós fatin akantonamentu iha Tibar ne'ebé sei utiliza husi peregrinu sira husi Munisípiu Ermera nian.
#Média ME
