Dili 01-08-2024
Ministériu Edukasaun liu husi Diretór Jerál Ensinu Sekundáriu Sr. Deolindo da Cruz hamutuk ho Xefe Gabinete Sekretáriu Estadu Sr. Napoleão dos Santos Lima no Diretór Jerál Ensinu Sekundáriu Tékniku Vokasionál Sr. Fernando Mouzinho Gama ho Instituisaun INDMO asina despaixo konjunta sertifikadu dupla ba profesór sira iha Salaun VIP Ministériu Edukasaun Vidal verde kinta-feira ne'e.
Iha entrevista Diretór Jerál Ensinu Sekundáriu Jerál Sr.Deolindo da Cruz hateten, ohin Ministériu Edukasaun hamutuk ho Instituisaun ÍNDMO assina despasu konjuntu hodi haree liu iha kareira profisionál manorin na’in sira.
"Objetivu husi enkontru ne'e pasu importante ida Ministériu Edukasaun ho Instituisaun INDMO atu kordena servisu hodi responde tuir ezijénsia ne'ebé iha ona,no sertifikadu sira iha ona ne'e parte INDMO sei identifika hela eskola ne'ebé prienxe ona rekizitu, no nafatin husu ba manorin na’in sira hotu tenke tuir formasaun hodi hetan sertifikadu. Dehan Diretór Jerál Ensinu Sekundáriu Sr. Deolindo da Cruz.
Iha fatin hanesan Diretora Executiva Sra. Isabel Fernandes de Lima akresenta valór importante mak INDMO asina memorandu ho Ministériu Edukasaun kona-ba dupla sertifikadu ba eskola tékniku vikasionál sira.
"Instituisaun INDMO sei la halo lisensa operasionál ba eskola privadu sira,Maibé ÍNDMO haree liu ba iha eskola públiku tékniku sira iha Timorlaran. Dehan Diretóra Exekutivu Sra. Isabel
#MediaME
Jornalista Eurico
