Díli – Loron Kinta-Feira, 02 Maiu 2024
Sua Exelénsia Ministra Edukasaun Dra. Dulce de Jesus Soares hala’o enkontru kortezia ho Reprezentante UNDP hodi ko’alia kona-ba estabelesimentu Laboratóriu Informátika hamutuk sanulu resin lima (15) ba eskola sira iha Munisípiu Ainaru, Manufahi no Manatutu.
Iha entrevista, S.E. Ministra Edukasaun Dra. Dulce de Jesus Soares hateten, Ministériu Edukasaun servisu hamutuk ho UNDP kleur ona no governu apresia tebes ba apoiu ida ne’e ba eskola sira liu-liu iha limitasaun sira ne’e infrenta, nune’e liuhusi apoiu ne’ebé iha bele hasa’e liután estudante sira nia kapasidade iha prosesu aprendizajen.
Iha fatin hanesan, reprezentante UNDP, Sra. Adeline Carrier hateten, ohin mai halo diskusaun kona-ba parseria ne’ebé mak UNDP no Ministériu Edukasaun iha liuliu foku ba eskola 15 iha munisípiu 3 atu estabelese Laboratóriu Informátika hodi fornese komputadór no ekipamentu Informátika sira seluk hodi bele apoiu prosesu aprendizajen iha área teknolojia nian nomós kona-ba potensialidade ba parseria iha futuru bele foka ba dijitalizasaun iha eskola.
“Parseria ne’e hahú tiha ona no daudaun ne’e hala’o estudu ba eskola 15 ne’e hodi identifika nesesidade kona-ba implementasaun no fornesimentu eskipamentu informátika nomós instalasaun ba solar painél nian sei kompleta iha fulan Dezembru tinan 2024”, dehan Reprezentante UNDP.
Daudaun ne’e ptojetu refere foku de’it ba eskola 15 ne’e, maibé ba futuru UNDP sei espanda tan ba eskola sira iha munisípiu seluk.
#jornalistaluis
#MédiaME
