Maliana - Sexta-feira, 24/05/2024
Ministériu Edukasaun liu husi Diretór Jerál Ensinu Sekundáriu Tekníku Vokasionál Sr. Deolindo da Cruz, akompaña husi Diretór Nasionál Tékniku Vokasionál Sr. Fernando Gama fahe sertfikadu ba estudante 12⁰ ano, Ensinu Sekundáriu Tékniku Vokasionál Dom Bosco Maumali Sesta-feira ne'e.
Iha Diskursu Diretór Jerál Ensinu Sekundáriu Tekníku Vokasionál Sr. Deolindo da Cruz hateten, parabéns ba estudante ne'ebé mak ohin loron simu sertivikadu husu estudante atu nafatin implementa materia hirak ne'ebé mak hetan iha prátika durante ne'e.
" ha'u mai reprezenta Exelénsia Sekretáriu Estadu ESJESTV, husu imi atu implementa materia hirak ne'ebé mak alin sira hetan prátika durante ne'e, aproveita didi'ak, materia sira ne'ebé mak imi hetan, ida ne'e hanesan bukae ida ba imi nune'e iha futuru imi bele implementa ", katak reprezentante Governante ne'e.
Fatin hanesan Diretór eskola ESTV Dom Bosco Maumali Irmão Marçal Lopes deklara, kursu ida ne'e eskola organiza husi maluk Tekníku na'in rua husi Indonézia mak fó.
"Kursu ne'e pertinente tebes tanba hanesan atividade extra kurikuler, eskola organiza haree ba kapasidade sira ne'e importante atu ita nia oan sira iha, nune'e iha futuru uza hodi hanorin ema seluk", dehan Diretór eskola ESTV Dom Bosco Maumali.
Diretór ne'e hateten, estudante ne'ebé tuir kursu ne'e husi 12⁰, estudante hamutuk 25 kompostu husi mane na'in 7 feto na'in 18.
"Ami hakarak hato'o agradese ba Ministèiru Edukasaun liuhusi diresaun Jerál Tekníku Vokasionál ne'ebé mak nafatin apoiu no suporta eskola refere, to'o ohin loron ami hala'o ami nia knar iha fatin ida ne’e la ses husi suporta ne'ebé Ministériu Edukasaun oferese mai ami, hodi kontribui knar Edukasaun iha fatin ida ne’e bele la'o ba oin", katak Diretór ne'e.
Enkuantu , Tinan 2024 estudante Ensinu Sekundáriu Sekundáriu Tékniku Vokasionál Dom Bosco Maumali hamutuk 105, kompostu husi mane 75, feto 30, estudante sira ne'e maioria husi Munísipiu Bobonaro.
Estudante ne'ebé tuir kursu husi 12⁰ ,estudante hamutuk 25 kompostu husi mane na'in 7 feto na'in 18.
.Kursu refere hahu iha loron 15 fulan Abríl remata iha loron 22 fulan Maio.
Hafoin fahe sertfikadu ne'e Diretór Jerál Ensinu Sekundáriu Tekníku Vokasionál Sr. Deolindo da Cruz ho ekipa hala'o vizita mós ba ekipamentu partika nian, vizita mós ba eskola Sekundária Téknika Vokasionál Malibaca Yamato no eskola Téknika Agrikula Moleana hodi haree diretamente ekipamentu prátika sira ne'ebé mak estudante sira utiliza loron-loron.
#MédiaME
