Dili, 03/07/2024
Diretór Jerál Ensinu Sekundariu Sr. Deolindo da Cruz representa Exelénsia Ministru Edukasaun Interinu abertura Workshop ba Diretór no Adjuntu Eskola Tékniku Vokasionál sira iha Munisípiu ho tema Dezenvolve Planu Estratéjiku ba Institutu TVET iha Timor-Leste iha Salaun INFORDEPE Matadoru Terça-feira ne'e.
Iha Diskursu Representante Governante ne'e hateten, Workshop ida-ne'e oportunidade ida ba imi diretór sira no adjuntu sira atu aprende, kolabora no prepara ba futuru. Planu estratéjiku ne'e sei elabora sai base ba susesu husi eskola sira.
"Ha'u enkoraja imi hotu atu aproveita oportunidade ida-ne'e ho másimu. Hakarak destaka área okupasionál sira ne'ebé prioritáriu ba área ensinu sekundáriu tékniku-vokasionál sira mak hanesan Konstrusaun Sivil, Tékniku Informátika, Mekánika Automovel no Agrikultura, importante enfatiza momentu ida-ne’e ho kompromisu Sekretaria Estadu ESG no ESTV nian, hadi'a eskola sekundáriu, hodi fó posibildade ba joven sira hodi hetan asesu. Kompromisu ida-ne'e define avansu edukasaun tékniku vokasionál iha Timor-Leste”, katak Diretór Jerál Ensinu Sekundariu Sr. Deolindo da Cruz.
Fatin hanesan Diretóra Ezekutivu ADB iha Timor-Leste Sra. Stefania Dina deklara, Workshop ne'e atu responde ba problema hirak ne'ebé mak mai bebeik iha oin, iha Ministériu Edukasaun nia lideransa estratéjikamente hili ona ESTV ne'ebé espesial hanesan konstrusaun sivil, automekánika, no agrikultura setór hirak ne'ebé importante tebes hodi responde merkadu traballu iha Timor-Leste.
"Papel Instituisaun TVET sira nian iha dezenvolvimentu sosio ekonomi Timor-Leste nian importante tebes. Instituisaun hirak ne'e sai hodi Prepara ita Nia foin sae sira, Nia koñesementu ne'ebé mak esensial ba forsa trabalhu Ida ne'ebé mak kompetetibu Liu husi relefansi hasae koalidade edukasaun tvet nian, ita kontribui ba diretamente ba progresu no prosperiodidade Nasaun nian".
Tuir Diretora Ezekutivu INDMO Sra. Isabel F. dos Santos akresenta, Planu estratéjia bazeia ba demanda merkadoria Internasionál no Nasionál iha tempu agora ninian, planu atu kobre ho parseria sira liliu iha setór privadu, no mos ajénsia parseria sira ne'ebé agora dadadun iha ne'e atu hodi haforsa di’ak liu-tan planu ho di’ak,
Enkuantu workshop ne'e realiza husi Ministériu Edukasaun liu husi Diresaun Nasionál Ensinu Sekundáriu Tékniku-Vokasionál servisu hamutuk Institutu Nasionál Dezenvolvimentu Mão de Obra (INDMO) no apoiu husi Asian Development Bank (ADB).
#MédiaME
