Díli – Tersa-feira, 23 jullu 2024
Komisaun Reguladora Arte Marsiais (KRAM) hala’o audiénsia ho Sua Exelénsia Ministra Edukasaun Dra. Dulce de Jesus Soares hodi transmiti informasaun relasiona ho rezolusaun nú 45/2023 ne’ebé fó orden servisu ba KRAM no PNTLA hodi halo atividade refiskalizasaun hodi identifika sentru klubu treinadór sira ne’ebé prátika Arte Marsiais.
Hafoin remata enkontru Prezidente Komisaun Reguladora Arte Marsiais (KRAM) Sr. Octavio da Conceição hateten, ohin mai informa mós ba Sua Exelénsia Ministra Edukasaun Dra.Dulce de Jesus Soares, kona-ba dadus ne’ebe KRAM hetan durante fiskalizasaun ba centu klubu eskola sira ne’ebé pratika Arte Marsiais.
“Rezolusaun hateten, identifika na’in ba rai no fatin sira nu’udar fatin ba treinamentu sira no mós atu informa ba Sua exelénsia Ministra Edukasaun Dra.Dulce de Jesus Soares atu haree fila-fali tuir kompeténsia própria ne’ebé ministériu iha, atu nune’e bele implementa”, dehan Prezidente KRAM.
#MédiaME
