Lautém,03-10-2024
Xefe Gabinete Sekretáriu Estadu ESG-ESTV Sr. Napoleão dos Santos Lima hamutuk ho Diretór Nasionál Ensinu Tékniku Vokasionál Sr. Fernando Moujinho Gama partisipa iha serimónia komemorasaun fulan Edukasaun tinan 2024 ho tema Evolusaun maka Edukasaun ba Gerasaun foun sira, iha Salaun Edukasaun Munisípiu Lautém Quarta-feira ne'e.
Iha intervensaun xefe gabinete Sekretáriu Estadu ESJ-ESTV Sr. Napoleão dos Santos Lima hateten Edukasaun maka nuda'ar save ba dezenvolvimentu hodi transforma sosiedade sira, bainhra ita la investe iha edukasun maka ita imfrenta problema boot no responsabilidadede Edukasaun ne'e hanesan kamada sosiál.
"Tanba ne'e husu ba estudante sira prestasaun ne'ebé maka hetan ne'e hodi garantia rekursu umanu Lautém nia oan sira.
Xefe Gabinete ne'e mos hatutan ba servisu Edukasaun Munisípiu Lautém,Edukasaun maka dalan di'ak ba hadia moris, no apresia tebes loron ohin bele servisu hamutuk hodi realiza eventu ida ne'e.
