SEKRETÁRIU ESTADU ESKOLA ENSINU SEKUNDÁRIU JERÁL NO TÉKNIKU VOKASIONÁL HALA'O VIZITA IHA ESKOLA E.B.C ESPERANSA DA PATRIA.

Dili Kinta Feira, 01-02-2024 Sekretáriu Estadu Ensinu Sekundaria Jerál no Ensinu Tékniku Vokasional Sr.Domingos Lopes Lemos Hamutuk ho direjente Ministeriu Edukasaun hala'o vizita kortejia ba Eskola Basika Central Esperansa da Patria Becora.

Hafoin vizita nee kontinuasaun ba monitoring eskola filial ida iha Paiyol Becusi Kraik, ne'ebé mak liu husi ekipa ministeriu edukasaun detekta eoru balun iha eskola filial Becusi Kraik ho ida ne'e mak loron ohin ekipa husi ministeriu Edukasaun hamutuk ho Sekretáriu Estadu Ensinu sekundaria jerál no ensinu Tekniku vokasional Sr.Domingos Lopes Lemos ho Direjente sira Ministeriu Eduksaun hala'o enkontru ho diretor eskola koordenador filial sira hodi konsentra hamutuk iha escola sentru ensinu basiku esperansa da Patria, problema ne'ebé maka eskola imfrenta maka hanesan estudante barak profesor menus, la signifika katak la iha balansu atu prense iha neba.

Governante ne'e hateten loron ohin ami ho ekipa diretamente mai iha fatin ne'e hodi fo hanoin ba diretor eskola basiku, atu hare kestaun ne'e, hodi fo liña koordenasaun ho ministeriu hodi rejolve lalais professor sira. Prosesu aprendizajem iha E.B.F Bekusi Kraik lao ho diak, maske menus professor/a, ohin ho visita exélensia sekretariu estadu ho dirijente ministeriu edukasaun nian fo ona kompetensia mai hau atu hodi foti desijaun atu hodi redistribui professor sira ne'ebé mak menus oras, manorin nain sira sei muda ba eskola EBF Becusi Kraik. Lia hirak ne hato'o husi Direktur Hernani Maria de Carvalho, direktur E.B.C Esperansa da Patria Becora. Remata enkontru ho diretur no koordenador filial sira exèlensia ho dirijente visita mos eskola teknika vokasional no ekonomia komersiu hodi rona no observa direta prekupasaun hirak ne'ebé mak eskola infrenta mak hanesan falta ekipamemtus, laboritoriun, menus profesor/a sira no menus professor linqua portuques.