Díli - Kuarta-feira, 05 Juñu 2024
Exelénsia Sekretáriu Estadu Ensinu Sekundáriu Jerál no Ensinu Sekundáriu Téknika Vokasionál Sr. Domingos Lopes Lemos akompaña husi Prezidente Komisaun G ne’ebé trata asuntu Edukasaun Juventude Kultura no Sidadania Sr. Armando dos Santos Lopes, Diretór Jerál Ensinu Sekundária Sr. Deolindo da Cruz, Diretór Ensinu Sekundáriu Jerál Sr. Benjamin Fernandes da Cruz no Diretór Ensinu Sekundáriu Téknika Vokasionál Sr. Fernando M. Gama hala’o enkontru ho Uversidade Muria Kudus Indonézia hodi ko’alia kona-ba kooperasaun, iha sala VIP Ministériu Edukasaun Vila-Verde.
Hafoin enkontru Reitor Universidade Muria Kudus Indonesia, Prof. Dr. Ir. Carson M.Si dehan, prejensa Universidade Muria Kudus mai iha Timor-Leste atu fó bolsu estudu ba kandidatu Timor oan ne'ebé mak hakarak atu kontinua estudu iha Universidade Muria Kudus Indonézia.
“Universidade Muria Kudus Indonézia ho ninia departamentu XXII ho Fakuludade VI ne'ebé mak hanesan Fakuldade Agrarikultura, Fakuldade Engenaria Justisa, Ekonomia no Business, Edukasaun, ho Psikólogia", katak Reitor ne’e.
Fatin hanesan Exelénsia Sekretáriu Estadu Ensinu Sekundáriu Jerál no Ensinu Sekundáriu Téknika Vokasionál Sr. Domingos Lopes Lemos reafirma, ohin ko’alia kona-ba bolsa estudu ne’ebé mak universidade Muria kudus Indonézia rasik oferese ba estudante Timoroan nain lima (5) iha tinan ida ne’e, estudante ne’ebé mak iha interse ba bolsa estudu ne’e bele aplika no importante sidadaun Timor.
“Sei asina memborandu ida ho Universidade Muria kudus Indonézia ne’ebé mak oferese ona bolsa estudu ba estudante Timoroan sira”, hateten Governante ne’e.
Governante ne’e mós dehan tan, bolsu estudu ne’e ba iha estudante sira ne’ebé remata ona nivél estudu iha Ensinu Sekundáriu Jerál no Tékniku Vokasionál sira iha Timor-Leste.
#jornalistarita
#MediaME
