Ermera- loron Sabado 05 Outubru 2024
Sua Exelénsia Sekretáriu Estadu Ensinu Sekundáriu Jerál no Ensinu Sekundáriu Tékniku Vokasionál Sr.Domingos Lopes Lemos, akompaña husi Diretór Edukasaun Munisípiu Ermera, representante Prezidente Autoridade Munisípiu Ermera hala'o vizita ba eskola Ensinu Báziku Sentrál 199 Francisco José Trindade Mirtuto Ermera no Ensinu Báziku Sentrál No.209 Trindade Lebuto iha Postu Administrativu Hatulia A.
Iha vizita ne’e Sua Exelénsia hateten, ohin mai iha fatin ida ne'e profesór/a sira hato'o sira nia preokupasaun kona-ba mobiliariu ba estudante sira no infraestrutura eskola nian.
"Ohin haree diretamente liu-liu ekipamentu mobiliariu ba estudante sira, ha’u orienta ona ba Diretór Eskola sira katak, Ministériu Edukasaun sei iha provizoriamente mobiliariu sira ho nune'e hodi bele distribui ba eskola sira ne'ebé presiza urjente", dehan Sua Exelénsia Sekretáriu Estadu ESJ-ESTV.
Hafoin visita Sua Exelénsia Sekretáriu Estadu ESJ-ESTV Sr. Domingos Lopes Lemos, ho ekipa hala’o vizita ba Sra. Marizinha dos Santos hanesan inan faluk iha Suku Mirtuto Postu Administrativu Ermera hodi apoiu ai-han nesesidade Báziku sira.
#MédiaME
