Ermera, 15/07/2024
Sua Exelénsia Sekretáriu Estadu Ensinu Sekundáriu Jerál no Ensinu Sekundáriu Tékniku Vokasionál, Sr. Domingos Lopes Lemos, hala’o abertura ba formasaun fasilitadór programa intensivu iha Munisípiu Ermera segunda-feira ne'e.
Iha abertura, Sua Exelénsia hateten, ohin abertura formasaun ba fasilitadór sira, nune'e bele transforma saida mak fasilitadór hetan hodi prepara ba ki'ikoan sira ne'ebé atu kontinua ba Ensinu Báziku, tanba ne'e mak formasaun ne’e esensiál tebes.
"sai formadór ne'ebé di'ak, presiza tun ba iha terrenu hodi aplika no implementa matéria ne'ebé Ita-Boot sira aprende, atu nune'e bele hasa'e kualidade Edukasaun liuliu ba labarik ki'ikoan sira ne'ebé mak prontu ona hakat ba ensinu báziku”, hateten Exelénsia Sekretáriu Estadu ESJ-ESTV Sr. Domingos Lopes Lemos.
Iha abertura ne'e, partisipa husi, Diretór Ensinu Pré - Eskolár Sr. Domingos Belo, Diretór Ezekutivu Hans, Diretór Edukasaun Munisípiu Ermera, Diretora Institutu Naroman Esperansa, Sra. Sekretária Asuntu Sosiál Munisípiu Ermera, asesóra no formadór sira.
Hafoin abertura ba formasaun fasilitadór programa intensivu iha Munisípiu Ermera, Exelénsia entrega motorizada 6 (neen) ba Servisu Edukasaun Munisípiu Ermera.
#jornalistamario
#MédiaME
