Bangkok, 6 Junnu 2022, (Sapientia)-Ministru Edukasaun Juventude no Desportu (MEJD), Armindo ho delegasaun partisipa iha Konferensia daruak entre Ministru Edukasaun Juventude no Desportu sira iha rejiaun Asia Pasifiku kona ba oinsa rekopera edukasaun iha tempo surto COVID-19.
Iha okaziaun ne’e Ministru Armindo Maia iha nia intervensaun hateten Timor Leste durante surtu COVID-19, hala’o serka sanitariu no konfinamentu obrigatoriu implika estudante sira la ba eskola.
No iha biban ne’e, MEJD halo programa ida naran eskola ba uma/ (home school) liu husi kanal Radio no Televizaun inklui liu husi YouTube hodi labarik sira kontinua hela iha uma estuda
Entretantu, Ministru moos informa katak, MEJD iha planu atu monta rede internet ba eskola hotu-hotu iha Timor Leste. Nune’e labarik sira akompanha nafatin materia husi ne’eba.
Iha konferensia ne’e Ministru sira husi paizes Asia Pasifiku fo sai estatementu ida katak, Edukasaun maka fundamental ba rekursu humanu ne’ebe nabilan no bele realiza mehi nasaun nian ba dezenvolvimentu esensial ba incluzividade, equitativa no sustentabilidade ekonomia nasaun ida nian.
Ne’eduni afirma sira nia komitmentu katak, alkansa sustentabilidade Dezenvolvimentu iha kurtu prazu to’o tinan 2030 mai.
Sira kompremetidu interdependensia ho sosiedade hotu iha rejiaun Asia Pasifiku nian atu fo liman ba malu, koopera ba malu hodi alkansa ekonomia nasaun sira iha rejiaun ida ne’e.
Forum ne’e rekonhese no husu urjentemente atu reforma reabertura fila fali eskola sira hotu ba iha normalidade no husu mos ba estudante no professor/a sira kontinua dedika imi nia aan tama eskola hanorin ita oan sira.
Media gab. Min Bosco
