Likisa, 03/09/2024
Sua Exelénsia Ministra Edukasaun Dra. Dulce de Jesus Soares hamutuk ho Chargé d’Affaires husi Embaixada Brazil iha Timor-Leste Sra. Rita Marques, partisipa iha selebrasaun aniversáriu BRF nian ba dala-90 ho objetivu atu oferese hahán ho kualidade ne’ebé furak no saudável ba estudante no komunidade sira, iha EBF 1,2 Kaitehu, Munisípiu Likisa.
Iha diskursu Sua Exelénsia Ministra Edukasaun Dra. Dulce de Jesus Soares hateten, inisiativa ida ne’e importante tebes, tanba sei fó benefísiu ba estudante sira iha eskola públika, liuliu atu aprende kona-ba ijiene, seguransa no saúde ne’ebé abut ida ba ema nia moris.
“Ha’u fiar katak oportunidade ne’e halo ita-nia estudante sira hetan esperiénsia ne’ebé bele inspira no fó motivasaun barak, nune’e tulun atu lori edukasaun ba nivel avansadu no husi sékulu XXI, alíende ajuda sira-nia dezenvolvimentu intelektuál no imaginasaun”. Bodik Ministra Edukasaun
Iha oportunidade ne’e, Chargé d’Affaires husi Embaixada Brazil iha Timor-Leste Sra. Rita Marques mós informa, haksolok loos, agradese ba prezensa Sua Exelénsia Ministra Edukasaun Dra. Dulce de Jesus Soares no espera ohin ita bele hetan ai-han ne’ebé di’ak no gostu.
Selebrasaun aniversáriu BRF nian ba dala-90, partisipa husi Sua Exelénsia Ministra Edukasaun Dra. Dulce de Jesus Soares hamutuk ho Chargé d’Affaires husi Embaixada Brazil iha Timor-Leste Sra. Rita Marques, ekipa BRF ho ekipa husi Pixelasia.
#Média ME
