Ministériu Edukasaun Liuhusi Diresaun Nasionál Edukasaun Pré-Eskolár (DNEPE) ne'ebé reprezenta husi Diretór Jacinto Sila ho Eduakasaun Pré-Eskolár Moris Foun 1, realiza serimónia Graduasaun ba finalista Pré-Eskolár hamutuk 117 iha Aldeia Rai-Nain, Suku Bairo-Pite, Postu Administrativu Dom Aleixo, Munisípiu Dili.
Iha okaziaun nee, reprezentante DNEPE Sr. Jacinto Sila hato'o agradese ba manorin sira ne'ebé mak fó ona sira nia tempu hodi dedika sira-nia an ba oan sira no manorin sira nia esforsu tomak durante tinan ida ne'e mak ohin loron oan sira bele hetan graduasaun.
“Edukasaun Pré-Eskolár nee bazeia ba lei baze edukasaun nian la obrigatóriu maibé nee importante teb-tebes hodi funda ita nia koñesimentu ba oin, ita nia oan sira neebé mak dadaun atende iha Pré-Eskolár hahú tinan 3 too tinan 5, hahú atu bele koñese siénsia no litérasia, dehan Jacinto.
Enkuantu iha Graduasaun ne'e partisipa husi reprezentante Ministériu Edukasaun, Responsável Edukasaun Pré-Eskolár Munisípiu Dili, Inan Aman, manorin nomos estudante sira.
Enkuantu totál finalista atus ida sanulu resin-hitu (117) ne'e kompostu husi; mane lima nulu resin-haat (54) no feto ne'en nulo resin-tolu (63).
#MédiaME
