Díli – loron, kinta-feira, 08 agustu 2024
Sua Exelénsia Ministra Edukasaun Dra. Dulce de Jesus Soares, halo lansamentu ba produtu peskiza husi parseiru NGO sira ho tema, “Hamutuk ita Promove Governasaun di'ak no Polítika Bazeia ba Evidénsia”, iha salaun City 8, Manleuana.
Iha diskursu ne’e, Sua Exelénsia Ministra Edukasaun Dra. Dulce de Jesus Soares, hateten, edukasaun inkluzivu sai prioridade bo’ot ida iha Governu Konstitusionál da-9, tanba ne’e apresia tebes ba ADTL kona-ba oinsá uza sentru sira ne’e ho efetivu no mós husu ba parte hotu atu apoiu sentru ne’e hodi bele funsiona ho di’ak liután ba oin.
“Setór sira ne’e iha ligasaun ba malu tebe-tebes, tanba dezenvolvimentu labarik ida nian depende tebes ba área sira ne’ebé mak ita bo’ot sira halo peskiza, tanba ne’e mak Ministériu Edukasaun apresia no prontu atu rona, tanba ne’e nafatin sai ami-nia parseiru iha prosesu ida ne’e, tanba Ministériu Edukasaun mesak labele”, dehan S.E. Ministra Edukasaun.
Governante ne’e hatutan, husi ne’e ba oin, husu atu reforsa malu liután servisu no liuhusi peskiza ida ne’e bele ajuda Ministériu Edukasaun hodi servisu ho di’ak liután bazeia ba evidénsia.
#MédiaME
