Díli - Segunda-feira, 15 abríl 2024
Sua Exelénsia Ministra Edukasaun Dra. Dulce de Jesus Soares hala’o enkontru regulár ho Vise-Primeiru Ministru no Ministru Koordenadór ba Asuntu Sosiais no Ministru Dezenvolvimentu Rurál no Habitasaun Komunitáriu Komunitáriu Eng. Mariano ASSANAMI Sabino hodi aprezenta kona-ba progresu no dezafiu servisu iha implementasaun servisu Ministériu Edukasaun nian.
Iha enkontru ne’e, S.E. Ministra Edukasaun Dra. Dulce de Jesus Soares hateten, ohin mai enkontru ho Vise-Primeiru Ministru no Ministru Koordenadór ba Asuntu Sosiais ne’ebé mak sempre iha enkontru regular ho Ministériu Edukasaun hodi ko’alia kona-ba programa dezenvolvimentu Primária ba Infánsia ne’ebé mak halo servisu integradu entre Ministériu sira ne’ebé mak tutela iha Vise-Primeiru Ministru.
“Programa dezenvolvimentu Primária ba Infánsia ne’e iha tempu badak sei aprezenta konseitu ne’e ba Konsellu Ministru atu bele hetan aprovasaun hodi bele iha servisu integradu ida atu hotu-hotu bele haree dezenvolvimentu Primária ba Infánsia, tanba Ministériu Edukasaun tau matan ba labarik sira ho tinan 3 to’o 8, maibé husi tinan 0 to’o 3 ne'e iha Ministériu Saúde.
Governante ne’e hatutan, dezafiu mak Ministériu sira ida-idak hala’o nia servisu, maibé sei servisu keta-ketak, tanba iha konseitu ida ne’e tenki servisu hamutuk liu-liu ida dadus atu garante katak bainhira ekipa husi Ministériu Saúde ba halo sosializasaun ruma presiza jere tempu oráriu letiva no servisu hamutuk ho manorin sira atu labele interompe fali tempu aprendizajen nian.
#jornalistaluis
#MédiaME
