Díli: Segunda-feira, 15 abríl 2024
Sua Exelénsia Ministra Edukasaun Dra. Dulce de Jesus Soares ho Sekretáriu Estadu Ensinu Sekundáriu no Tékniku Vokasionál Sr. Domingos Lopes Lemos hala’o enkontru kortezia ho Reverendu Monsenhor Marco Sprizzi no Reverendu Bispu Dioseze Baucau Dom. Leandro Maria Alves hodi ko’alia kona-ba programa merenda eskolár espesiál iha eskola Katólika.
Iha entrevista, S.E. Ministra Edukasaun Dra. Dulce de Jesus Soares hateten, enkontru ida ne’e ko’alia kona-ba asuntu merenda eskolár ne’ebé mak dadaun ne’e iha eskola katólika barak mak seidauk seidauk simu merenda eskolár, nune’e, Ministériu Edukasaun iha obrigasaun bo’ot ida, nune’e sei servisu hamutuk ho KONEKTIL atu hetan dadus husi estudante sira nian no sei hamutuk ho Ministériu Administrasaun Estatal hodi hato’o asuntu ne’e ba Konsellu Ministru.
Iha entrevista, Rev. Monsenhor. Marco Sprizzi hateten, agradese ba S.E. Ministra Edukasaun, tanba bele enkontru ho Delegasaun Konferénsia Episkopál Timorense Nunsiatura apostólika no Santa Sé hodi hala’o diskusaun ba asuntu interese ba alunu sira kona-ba programa ne’ebé involve kolaborasaun husi igreija no estadu, partikulár eskola katólika iha programa merenda eskolár atu labele iha diskriminasaun ba labarik timoroan sira.
#jornalistaluis
#MédiaME
