Dili – Kuarta-feira, loron 13 fulan Novembru tinan 2024
Ministériu Edukasaun liu husi prezidente INFORDEPE Domingos Martins hamutuk ho dirijente sira Ministériu Edukasaun nian asina programa kooperasaun servisu ho Reitór ICFP (Instituto Católico para Formasaun de Professores) Brother Paul Gilchrist iha sala enkontru gabinete prezidénsia INFORDEPE, Matadouro, Dili.
Termu kontratu programa kooperasaun ne’e, hanesan pasu preparatória fundamental ida ba manorin bolsu kandidatu sira hamutuk 400 hodi fortalese no kontribui ba edukasaun ho profisional.
Iha serimónia ne’e, Prezidente INFORDEPE Sr. Domingos Martins hateten, “Kurso formasaun ida ne’e, prepara ba manorin bolsu kandidatura ne’ebé integradu iha kareira dosente ho objetivu opta kompeténsia obrigatória relasiona ho Kurríkulo no instrumentu sira ba hanorin no prátika ba jestaun eskolár”
Aleinde ne’e, Reitór ICFP Brother Paul Gilchrist hateten, “Hau orgullo tebes ba servisu hamutuk INFORDEPE iha projetu ida ne’e, governu husu atu esklui violensia iha aula aprendizajen laran tan ne’e, ami hakarak manorin sira aprende manejamentu hahalok estratejia ne’ebe fó hakmatek ba labarik sira no hadook husi violensia. No ami garantia formasaun ida ne’e hanesan esperiensia diak ida ba manorin foun sira ne’e”
Kurso formasaun ba manorin bolsu kandidatu ne’e sei hahú ho munisípiu 6 mak hanesan; Baucau, Bobonaro, Covalima, Dili, Lautem no Likisa ho total manorin 400 no sei fahe ba faze rua, faze primeiru total manorin na’in 213 ne’ebé sei hahú formasaun husi loron 8 to’o 14/12/2024 no faze daruak ho totál manorin na’in 187 no sei hahú formasaun iha loron 15 to’o 21/12/2024.
Formasaun ne’e sei realiza iha aldeia Vila-Maria, Suko Rairobo, Postu Administrativu Atabae, Munisípiu Bobonaro, durante loron 5 kada faze.
