Díli - Loron Sexta-feira, 15 Novembru 2024
Orsamentu Jerál Estadu (OJE) 2025, passa ona iha diskusaun faze espesialidade liuhusi votasaun ho votu Afavór 42, kontra 0 no Abstensaun 20, iha Uma-Fukun Parlamentu Nasionál, husi deputadu sira hamutuk na’in 62, ne'ebé prezensa iha Plenária.
Dotasaun Orsamentu Jerál Estadu 2025 ba Ministériu Edukasaun ho totál tokon 113.098.784, husi totál orsamentu ne’e sei aloka ba Saláriu Vensimentu ho totál 92.383.226, Bens no Servisus totál 11..161.334, Transferénsia Públika totál 4.602.080, Kapital Menor totál 1.044.214 no Kapital Dezenvolvimentu totál 3.897.930.
Debate Orsamentu Jerál Estadu 2025 ne’e prezide meza husi Prezidente Parlamentu Nasionál, Maria Fernanda Lay no Vise-Primeiru Ministru, Ministru Koordenadór ba Asuntu Sosiais, Ministru Dezenvolvimentu Rurál no Habitasaun Komunitária, Eng. Mariano ASSANAMI Sabino no hetan akompaña husi Xefe Governu Kay Rala Xanana Gusmão, Vise-Primeiru, Ministru Koordenadór Ekonomia no Ministru Turizmu no Ambiente, Fransisco Kalbuady Lay no membru governu konstitusionál da-9 nian.
#MédiaME
