Dili, 19 Outubru 2026 – Sua Exelénsia Ministra Edukasaun, Dra. Dulce de Jesus Soares kontinua halo monitorizasaun no observasaun direta ba prosesu realizasaun Ezame Nasionál Tinan Eskolár 2026, iha Eskola EBC 30 Agosto Comoro, EBC Farol, ESG Katólika Sagrado Coração de Jesus, Becora, no Eskola CAFE Dili, segunda-feita ne’e.
Objetivu prinsipál husi vizita Ministra Edukasaun ba eskola sira iha períodu Ezame Nasionál tinan ne’e, mak atu garante katak prosesu ezame tomak la’o ho integridade, transparénsia, ordenadu, no tuir prosedimentu ne’ebé estabelese ona husi Ministériu Edukasaun nian
Iha vizita ne’e mós Ministra aproveita hodi fó motivasaun no korajen ba estudante sira tanba Ezame Nasionál ne’e etapa importante ba futuru imi nian. Husu ba estudante sira hotu atu prienxe ho kalma, fiar an, konsentra no onestidade, se bainhira mak estudante ida la estuda entaun nia sente difisil maibé estudante sira ne’ebé estuda ne’e sei sai fasil ba nia.
Diretór no Diretora Eskola EBC 30 Agosto Comoro, EBC Farol, ESG Katólika Sagrado Coração de Jesus, Becora, no Eskola CAFE Dili, hato’o agradese wa’in ba prezensa Sua Exelénsia Ministra ne’ebé hatudu atensaun boot ba edukasaun katólika sira.
Iha tinan 2026 ezame Nasionál la’o ho di’ak no hetan partisipasaun másimu husi estudante sira.
