Ermera, 30 Outubru 2026 — Sekretáriu Estadu ba Ensinu Sekundáriu Jerál no Ensinu Sekundáriu Tékniku-Vokasionál (ESJ-ESTV), Domingos Lopes Lemos, partisipa iha serimónia lansamentu fatuk dahuluk ba projetu konstrusaun estrada Letefoho–Atsabe–Lourba, ne’ebé hala’o iha Postu Administrativu Atsabe, Munisípiu Ermera, iha loron Sesta-feira ne’e.
Lansamentu projetu estrada ne’e marka etapa importante ida ba dezenvolvimentu infraestrutura rodoviária iha área ne’e, no habelar esperansa ba komunidade lokál atu hetan asesu ne’ebé di’ak liu ba transporte, movimentu ema no sasán, no mós hanesan asesu ba servisu esensiál sira.
Projetu ne’e espera katak sei implementa tuir planu no padraun tékniku ne’ebé estabelese, atu bele lori benefísiu ba komunidade no kontribui ba melloramentu kondisaun moris povu iha rejiaun ne’e.
Serimónia lansamentu ne’e hetan partisipasaun husi Sua Exelénsia Primeiru-Ministru, Kay Rala Xanana Gusmão, membru sira Governu IX, deputadu sira, autoridade Munisipál Ermera no Bobonaro, reprezentante PNTL no F-FDTL, no komunidade lokál sira.
