Díli, 13 Outubru 2026 — Sekretáriu Estadu Ensinu Sekundáriu Jerál no Ensinu Sekundáriu Tékniku-Vokasionál (ESJ-ESTV), Sr. Domingos Lopes Lemos, partisipa iha reuniaun jerál ne’ebé foka ba preparasaun no koordenasaun nasionál kona-ba vizita ofisiál husi líder estranjeiru na’in lima (5), ne’ebé sei realiza iha fulan Novembru 2026, no programa atividade Prezidénsia Repúblika ba fulan Novembru no Dezembru, nu’udar fulan ikus tinan 2026.
Reuniaun ne’e iha objetivu atu asegura katak preparasaun no koordenasaun entre instituisaun relevante sira la’o ho di’ak, hodi apoia realizasaun vizita ofisiál no atividade sira ne’ebé planeia ona ba períodu refere.
Aleinde Sekretáriu Estadu ESJ-ESTV, reuniaun ne’e mós partisipa husi Xefe Estadu-Maior Jenerál FALINTIL-Forsa Defeza Timor-Leste (F-FDTL), Tenente-Jenerál Domingos Raúl “Falur Rate Laek”, hamutuk ho reprezentante husi instituisaun relevante sira-seluk.
Liuhusi reuniaun ne’e, entidade sira ne’ebé envolve bele hametin komunikasaun no koordenasaun interinstitusionál, hodi asegura preparasaun ne’ebé adekuadu ba vizita ofisiál no implementasaun programa Prezidénsia Repúblika durante fulan ikus tinan 2026.
