Atividade

Ministériu Edukasaun realiza kompetisaun KNEII nivel rejionál iha Baucau hodi hametin koñesimentu, kapasidade inteletuál no kriatividade estudante sira

Baucau, 14 Novembru 2026 – Ministériu Edukasaun hala’o Kompetisaun Rejionál Konkurzu Nasionál Edukasionál, Intelijente no Inovativu (KNEII), ba estudante sira husi Ensinu Sekundáriu Jerál Públiku, iha Salaun INFORDEPE no Salaun Ensinu Báziku Siklu Datoluk Vila Nova, Munisípiu Baucau.

 Atividade ne’e nia objetivu mak atu avalia no hametin koñesimentu, dezenvolve kapasidade inteletuál no promove kriatividade estudante sira iha área edukasaun.

Kompetisaun rejionál ne’e envolve estudante sira husi munisípiu haat iha Rejiaun Leste, hanesan Baucau, Lautém, Manatuto no Viqueque, ho kada munisípiu reprezenta hosi eskola Ensinu Sekundáriu Jerál Públiku rua.

Iha kompetisaun ne’e, Munisípiu Baucau reprezenta hosi Ensinu Sekundáriu Jerál Públiku N.º 01 Baucau no Ensinu Sekundáriu Jerál Públiku N.º 02 Baucau; Munisípiu Lautém hosi Ensinu Sekundáriu Jerál Públiku Nino Conis Santana Lospalos no Ensinu Sekundáriu Jerál Públiku N.º 01; Munisípiu Manatuto hosi Ensinu Sekundáriu Jerál Públiku Kay Rala no Ensinu Sekundáriu Jerál Públiku Prezidente Nicolau Lobato; no Munisípiu Viqueque hosi Ensinu Sekundáriu Jerál Públiku Liceu 4 de Setembro no Ensinu Sekundáriu Jerál Públiku Olo-casa Ossu.

Inisiativa ne’e la’ós de’it atu avalia no hametin koñesimentu, kapasidade inteletuál no kriatividade estudante sira, maibé mós atu identifika no hili estudante sira ne’ebé hatudu desempeñu  di’ak- liu hosi kada munisípiu, hodi reprezenta sira-nia eskola no munisípiu iha faze nasionál.

Rezultadu Kompetisaun Rejionál KNEII Rejiaun Leste, iha área Siénsia no Teknolojia no Siénsia Sosiál no Umanidade, mak hanesan tuir mai:

1. Siénsia no Teknolojia 1

– 1.º Lugár: Ensinu Sekundáriu Jerál Públiku Nino Conis Santana Lospalos, Munisípiu Lautém, ho pontuasaun 64,933.

– 2.º Lugár: Ensinu Sekundáriu Jerál Públiku N.º 02 Baucau, Munisípiu Baucau, ho pontuasaun 63,400.

– 3.º Lugár: Ensinu Sekundáriu Jerál Públiku Kay Rala, Munisípiu Manatuto, ho pontuasaun 48,067.

2. Siénsia no Teknolojia 2

– 1.º Lugár: Ensinu Sekundáriu Jerál Públiku N.º 01, Munisípiu Lautém, ho pontuasaun 66,333.

– 2.º Lugár: Ensinu Sekundáriu Jerál Públiku Olo-casa Ossu, Munisípiu Viqueque, ho pontuasaun 59,667.

– 3.º Lugár: Ensinu Sekundáriu Jerál Públiku N.º 01 Baucau, Munisípiu Baucau, ho pontuasaun 56,633.

3. Siénsia Sosiál no Umanidade 1

– 1.º Lugár: Ensinu Sekundáriu Jerál Públiku N.º 01, Munisípiu Baucau, ho pontuasaun 46,730.

– 2.º Lugár: Ensinu Sekundáriu Jerál Públiku Olo-casa Ossu, Munisípiu Viqueque, ho pontuasaun 42,600.

– 3.º Lugár: Ensinu Sekundáriu Jerál Públiku N.º 01, Munisípiu Lautém, ho pontuasaun 41,770.

4. Siénsia Sosiál no Umanidade 2

– 1.º Lugár: Ensinu Sekundáriu Jerál Públiku Prezidente Nicolau Lobato, Munisípiu Manatuto, ho pontuasaun 48,867.

– 2.º Lugár: Ensinu Sekundáriu Jerál Públiku Liceu 4 de Setembro, Munisípiu Viqueque, ho pontuasaun 34,567.

– 3.º Lugár: Ensinu Sekundáriu Jerál Públiku N.º 02 Baucau, Munisípiu Baucau, ho pontuasaun 33,567.

Realizasaun Kompetisaun Rejionál KNEII ne’e reprezenta kompromisu Ministériu Edukasaun atu kontinua promove kualidade ensinu no hametin kapasidade akadémika, inteletuál no kriativa estudante sira. Liuhosi inisiativa hanesan ne’e, Ministériu Edukasaun hakarak prepara jerasaun foun ne’ebé iha koñesimentu, abilidade no kapasidade atu responde ba dezafiu sira iha mundu edukasaun no kontribui ba dezenvolvimentu futuru nasaun.