Baucau, 15 Novembru 2026 – Ministériu Edukasaun hala’o Kompetisaun Rejionál Konkurzu Nasionál Edukasionál, Intelijente no Inovativu (KNEII) ba estudante sira husi Ensinu Sekundáriu Jerál Públiku, iha Salaun INFORDEPE no Salaun EBC Siklu Datoluk Vila Nova, Munisípiu Baucau. Kompetisaun ne’e nia objetivu mak atu dezenvolve koñesimentu, hametin kapasidade inteletuál no promove kriatividade estudante sira iha área edukasaun.
Kompetisaun rejionál ne’e envolve estudante sira husi munisípiu haat iha Rejiaun Leste, hanesan Baucau, Lautém, Manatuto no Viqueque, ho kada munisípiu reprezenta hosi eskola Ensinu Sekundáriu Jerál Públiku rua.
Munisípiu Baucau reprezenta hosi Ensinu Sekundáriu Jerál Públiku N.º 01 Baucau no N.º 02 Baucau; Munisípiu Lautém hosi Ensinu Sekundáriu Jerál Públiku Nino Konis Santana Lospalos no Ensinu Sekundáriu Jerál Públiku N.º 02; Munisípiu Manatuto hosi Ensinu Sekundáriu Jerál Públiku Kayrala no Ensinu Sekundáriu Jerál Públiku Prezidente Nicolau Lobato; no Munisípiu Viqueque hosi Ensinu Sekundáriu Jerál Públiku Liceu 4 de Setembro no Ensinu Sekundáriu Jerál Públiku Olo-Casa Ossu.
Husi eskola reprezenta-na’in sira-ne’e, eskola ualu (8) mak konsege avansa ba faze semi-finál, fahe ba kategoria rua, hanesan:
Kategoria Siénsia no Teknolojia:
1. Ensinu Sekundáriu Jerál Públiku N.º 02 Baucau, Munisípiu Baucau;
2. Ensinu Sekundáriu Jerál Públiku Nino Konis Santana Lospalos, Munisípiu Lautém;
3. Ensinu Sekundáriu Jerál Públiku N.º 01, Munisípiu Lautém;
4. Ensinu Sekundáriu Jerál Públiku Olo-Casa Ossu, Munisípiu Viqueque.
Kategoria Siénsia Sosiál no Umanidade:
1. Ensinu Sekundáriu Jerál Públiku N.º 01 Tirilolo, Munisípiu Baucau;
2. Ensinu Sekundáriu Jerál Públiku Olo-Casa Ossu, Munisípiu Viqueque;
3. Ensinu Sekundáriu Jerál Públiku Prezidente Nicolau Lobato, Munisípiu Manatuto;
4. Ensinu Sekundáriu Jerál Públiku Liceu 4 de Setembro, Munisípiu Viqueque.
Depois de liu husi prosesu kompetisaun, rezultadu finál ba Rejiaun Leste iha kategoria rua mak hanesan tuir mai:
Kategoria Siénsia no Teknolojia:
– 1.º Lugár: Ensinu Sekundáriu Jerál Públiku Olo-Casa Ossu, Munisípiu Viqueque, ho pontuasaun 74,967;
– 2.º Lugár: Ensinu Sekundáriu Jerál Públiku Nino Konis Santana Lospalos, Munisípiu Lautém, ho pontuasaun 64,767;
– 3.º Lugár: Ensinu Sekundáriu Jerál Públiku N.º 02 Baucau, Munisípiu Baucau, ho pontuasaun 58,667;
– 4.º Lugár: Ensinu Sekundáriu Jerál Públiku N.º 01, Munisípiu Lautém, ho pontuasaun 57,833.
Kategoria Siénsia Sosiál no Umanidade:
– 1.º Lugár: Ensinu Sekundáriu Jerál Públiku Prezidente Nicolau Lobato, Munisípiu Manatuto, ho pontuasaun 78,0;
– 2.º Lugár: Ensinu Sekundáriu Jerál Públiku Olo-Casa Ossu, Munisípiu Viqueque, ho pontuasaun 71,5;
– 3.º Lugár: Ensinu Sekundáriu Jerál Públiku N.º 01 Tirilolo, Munisípiu Baucau, ho pontuasaun 70,5;
– 4.º Lugár: Ensinu Sekundáriu Jerál Públiku Liceu 4 de Setembro, Munisípiu Viqueque, ho pontuasaun 66,5.
Ho rezultadu ne’e, eskola rua (2) mak hetan oportunidade atu reprezenta Rejiaun Leste iha faze finál kompetisaun KNEII nivel nasionál, hanesan:
– Kategoria Siénsia no Teknolojia: Ensinu Sekundáriu Jerál Públiku Olo-Casa Ossu, Munisípiu Viqueque;
– Kategoria Siénsia Sosiál no Umanidade: Ensinu Sekundáriu Jerál Públiku Prezidente Nicolau Lobato, Munisípiu Manatuto.
Enkuantu ba nivel Ensinu Báziku, eskola CAFE Baucau mak sei reprezenta Rejiaun Leste atu partisipa iha kompetisaun nivel nasionál.
Realizasaun kompetisaun rejionál KNEII ne’e hanesan inisiativa ida hosi Ministériu Edukasaun atu promove kualidade ensinu no hametin kapasidade akadémika, inteletuál no kriativa estudante sira, hodi prepara jerasaun foun ne’ebé iha koñesimentu no kapasidade atu enfrenta dezafiu edukasaun no kontribui ba dezenvolvimentu futuru nasaun.











