Atividade

Ministériu Edukasaun partisipa iha debate Orsamentu Jerál Estadu (OJE) 2027 iha Parlamentu Nasionál

Díli, 10 Novembru 2026 – Ministra Edukasaun, Sua Exelénsia Dra. Dulce de Jesus Soares, hamutuk ho Sekretáriu Estadu Ensinu Sekundáriu Jerál no Ensinu Sekundáriu Tékniku-Vokasionál (ESJ-ESTV), Sua Exelénsia Sr. Domingos Lopes Lemos, partisipa iha sesaun debate Orsamentu Jerál Estadu (OJE) 2027, ne’ebé kontinua ba loron daruak, iha Parlamentu Nasionál, tersa-feira (10/11).

Durante sesaun diskusaun iha parte dadeer, Xefe Governu hato’o resposta ba relatóriu no paresér hosi Komisaun Finansas Públikas Parlamentu Nasionál, no mós ba intervensaun, komentáriu no pergunta sira ne’ebé deputadu sira hato’o durante debate iha plenária.

Partisipasaun Ministra Edukasaun no Sekretáriu Estadu ESJ-ESTV iha debate ne’e reflete envolvimentu no akompañamentu hosi lideransa setór edukasaun ba prosesu diskusaun no apresiasaun ba proposta OJE 2027, liuliu iha aspetu sira ne’ebé relasiona ho prioridade, alokasaun rekursu no dezenvolvimentu setór edukasaun iha tinan fiskál 2027.

Liuhosi prosesu debate iha Parlamentu Nasionál, Governu no deputadu sira iha oportunidade atu diskute no klarifika proposta orsamentál, antes kontinua ba etapa deliberasaun no aprovasaun tuir prosedimentu parlamentár.

Ministériu Edukasaun kontinua akompaña prosesu ne’e, nu’udar parte hosi kompromisu instituisionál atu asegura katak prioridade setór edukasaun hetan konsiderasaun iha planeamentu no jestaun orsamentu estadu ba tinan 2027.