Dili, 09 Setembru 2026 – Sua Exelénsia Ministra Edukasaun Dra.Dulce de Jesus Soares akomapaña Sua Exelénsia Primeiru-Ministru Kay Rala Xanana Gusmão hamutuk ho membru IX Governu Konstitusionál no Amu Kardiál Arkidioseze Metropolitanu Dili, Dom Virgílio do Carmo da Silva SDV, Amu Bispu Dioseze Maliana, Dom Nolberto do Amaral no Amo Bispu Dioseze Baucau Dom Leandro Maria Alves hala’o inaugurasaun ba Jardín no Uma – Adat Tasitolu.
Ojetivu husi reabilitasaun no konstrusaun Jardín Monumentu Papa João Paulo II no mós halo konservasaun ba Uma Adat Tasitolu. Fatin ne’e konsidera hanesan fatin istóriko no sagradu tebes ba povu Timor-Leste, liuliu tanba iha tinan 1989 fatin ne’e mak simu vizita istórika husi Amu Papa João Paulo II ne’ebé fó esperansa boot ba dame no liberdade iha rai laran.
Iha serimónia inaugurasaun Jardín no reabilitasaun iha área Uma Adat Tasitolu, projetu ida-ne’ebé maka parte husi planu koletivu entre Governu no Igreja Katólika Timor-Leste nian.
