Díli, 05 Outubru 2026 — Ministra Edukasaun, Dra. Dulce de Jesus Soares, husu ba funsionáriu no komunidade edukativa tomak atu promove no hametin uza língua jestuál iha eskola sira, hodi apoia estudante ho defisiénsia no garante edukasaun inkluzivu.
Ministra hateten katak Ministériu Edukasaun kontinua esforsu atu promove programa edukasaun inkluzivu, liuliu liuhusi língua jestuál, no husu atu eskola sira iha kapasidade atu responde bainhira identifika estudante ne’ebé presiza apoiu liuhusi língua jestuál.
“Língua jestuál importante tebes no ita presiza hahú aplika ona iha eskola sira. Diresaun Nasionál Edukasaun Inkluzivu no Asaun Eskolár mós presiza hala’o formasaun ba eskola sira,” dehan Ministra Edukasaun bainhira hala’o serimónia hasa’e bandeira nasionál iha resintu Ministériu Edukasaun, Vila Verde, Dili.
Iha okaziaun ne’e, Ministra mós husu ba dirijente, superintendente no inspetór eskolar sira atu kontinua servisu hamutuk, reforsa no korrije malu, hodi bele atinji objetivu Ministériu Edukasaun.
