Díli, 19 Outubru 2026 — Eskola Ensinu Sekundáriu Jerál (ESJ) 04 de Setembru UNAMET, iha Balide, Díli, hala’o Ezame Nasionál 2026 ba estudante finalista, nu’udar parte husi prosesu avaliasaun ba koñesimentu no komprensaun ne’ebé estudante sira hetan durante sira-nia prosesu aprendizajen.
Ezame Nasionál 2026 nu’udar etapa importante ida iha prosesu edukasaun, atu sukat no avalia koñesimentu, komprensaun no kapasidade estudante sira nian kona-ba matéria no konteudu sira ne’ebé aprende ona durante sira-nia estudu iha Ensinu Sekundáriu Jerál.
Durante prosesu ezame, estudante sira tenke kumpre regra no orientasaun sira ne’ebé determina ona, mantein dixiplina, no hatán ba pergunta sira ho responsabilidade no onestidade.
Iha parte seluk, profesór no vijilante sira iha responsabilidade atu asegura katak prosesu ezame la’o ho orden, dixiplina, transparénsia no justu, nune’e estudante hotu-hotu bele hala’o sira-nia prova iha kondisaun ne’ebé apropriadu.
