HANDS (Halimar, Aprende no Deskobre Susesu), hanesan programa Ministériu Edukasaun ne’ebé dezenvolve hodi hadi’ak edukasaun infánsia iha Timor-Leste. Programa ne’e finansia husi Governu Nova Zelándia, hala’o ona dezde tinan 2015 no sei kontinua to’o tinan 2025.
Objetivu prinsipál husi programa ne’e atu “Labarik sira bele sai sidadaun ne’ebé produtivu no saudavél hodi kontribui ba moris di’ak Timor-Leste no nia povu.”
Iha tinan 2025, hein katak labarik barak sei partisipa ona iha edukasaun infánsia nian, pre-eskolár sira sei iha sistema no prosesu jestaun ne'ebé di'ak liu, no kualidade edukasaun infánsia nian no rezultadu aprendizajen nian sei hadi'ak ona.
