ME Lansa kaderneta 128 mil

Dili, 18/11/2-13 - Ministeriu Edukasaun hala’o lansamentu distribuisaun kaderneta eskolar no sertifikadu ba ba tinan 2013.

Lansamentu kaderneta tinan 2013, hala’o segunda feira, 18/11/2013, iha sentru grafika nasional Comoro dili. kaderneta ba tinan 2013, hamutuk rihun atus ida ruanulu resin ualu (128.000) ba distritu 13.

kaderneta ba ensinu basiku hamutuk rihun 80.000. ensinu sekundariu inklui tekniku professional hamutuk rihun 23.000. ensinu pré-eskolár hamutuk rihun 12.000, no sei distribui ba distritu 13 iha iha timor laran tomak.

Ministru edukasaun, Bendito dos Santos Freitas ba jornalista sira hateten, ne’e hanesan pasu ida hosi ministériu edukasaun, ne’ebé produs hosi sentru imprimesaun ministériu nian. ida ne’e bele ajuda ministériu poupa orsamentu tinan ida nian, nune’e ministériu haree fali prioridade seluk.

“lansamentu kaderneta eskolar hamutuk rihun 128 ba alunu sira iha Timor-Leste, no mós rihun 12 sertifikadu ne’ebé hanesan pasu dahuluk hosi sentru imprimesaun produs hatudu kualidade diak tebes no ida ne’e sai sasukat ida atu ministériu kontinua produs livru sira ne’e ba oin.

Hanesan kontiudu kurrikular ne’ebé presiza, ba area edukasaun, dala barak produsaun livru lori sai ba liur, maibé orasne’e ho sentru imprimesaun ne’e ministeriu sei maneza imprime livru no nesesidade sira seluk ne’ebe ministeriu presiza”.

“iha ne’e funsionariu mos limitadu, ministériu identifika ona no sei preve orsamentu tinan 2014 bele iha formasaun kursu téknika ba sira ne’ebé oras ne’e servisu dadaun, nune’e sira nia koñesementu kleaan liu tan konaba operasaun mákina ida ne’e. servisu na’in sira ne’ebé oras ne’e servisu mesak timor oan deit.