Díli - Kuarta-Feira 17 abríl 2024
Sua Exelénsia Ministra Edukasaun Dra. Dulce de Jesus Soares, halo aprezentasaun ida kona-ba rezultadu husi teste ba Bolsa Kandidatu ba manorin iha reuniaun Konsellu Ministru.
Teste ne’ebé hala’o husi loron 15 fulan marsu to’o loron 16 fulan abríl tinan 2024, ho objetivu hodi selesiona kandidatu sira atu prienxe totál vaga kandidatu 2400, iha ne’ebé kandidatu profesór/a sira bele rekruta ho fasil, tanba sira hatudu ona katak sira kumpre rekizitu ne’ebé lei husu/ezije.
Husi kandidatu 11.273 ne’ebé hala’o ezame, rejista de’it na’in 568 maka liu/pasa no sei hala’o tan teste ba faze daruak hodi kompleta vaga ne’ebé sei falta.
Enkuantu reuniaun Konsellu Ministru ne'e lidera husi Sua Exelénsia Primeiru Ministru Interinu, Vise-Primeiru Ministru, Ministru Koordenadór ba Asuntu Ekonómiku Ministru Turizmu no Ambiente Sr. Francisco Kalbuady Lay, iha Palásiu Governu.
#MédiaME
