ME Sei Kria Métodu Ensinu Foun

Dili, 07 Janeiru 2013. Ministru Edukasaun, Bendito Freitas hafoin entrega komputador 606 ba Diretor EBC, ba jornalista hateten, tinan 2013, papel importante Ministériu Edukasaun nian maka kontinua habelar esforsu hotu-hotu atu garante kualidade Edukasaun iha Timor-Leste.

Ita koalia edukasaun, kualidade tenke reflete, análiza kona ba métodu ensinu husi profesór sira. Ita labele hanoin katak profesór sira ba aponta iha kuadru metan, alunu sira kopia. Ida ne’e labele ona.

Agora Ministeriu Edukasaun iha ona planu, kria fali métodu foun ne’ebé krítiku hanesan Ita hakarak métodus ensinu leitura grupo no alunu sira halo diskusaun kona ba testu. Atu sira bele intende, interpretasaun testu. Tanba métodu tradisonal hanesan mestre hakerek alunu kopia, ida ne’e la’os ona tempu no la fó vantajen diak ba situasaun ensinu modernu agora.
Tanba ida ne’e maka eskola agora, tenke ativu, proativu, dinámiku atu alunu sira la’os simu de’it materia ne’ebé professor sira fó maibé, sira mós ita fó orientasaun atu sira buka leitura extra seluk atu bele hetan informasaun foun mai husi fontes seluk atu bele inspira liu tan sira nia matenek no hanoin diak liu tan.