VICE-MINISTRO DA EDUCAÇÃO, JUVENTUDE E DESPORTO HALAO VIZITA KORTEZIA BA MINISTÉRIO DA EDUCAÇÃO, TAILÁNDIA

Bankók, Tailándia, 07 Juñu 2019 - Vice-ministro da Educação, Juventude e Desporto Eng. João Zacarias Freitas Soares halao vizita kortezia ba Ministério da Educação, Tailándia hodi hasoru malu ho Sra. Duriya Amatavivat, Sekretáriu Permanente.

Objetivu husi sorumutu ne'e mak Vice-ministro lori Ministra da Educação, Juventude e Desporto no estudante no orientadór sira nia naran hato'o agradesementu wa' in ba Ministério da Educação, Tailándia hodi fo konvite espesial ba nasaun Timor Leste partisipa iha Scout Jamboree Ceremony iha Chonburi, Tailándia.

Durante diskusaun tuir Vice-ministro katak ho oportunidade sira ne'e sinal katak relasaun bilateral entre rai rua lao diak no metin ba bebeik liu-liu iha area edukasaun.
Aproveita biban ne' e mos Vice-ministro no Sekretáriu Permanente konkorda atu aselera lalais Memorando de Entendemento no husu Ministério da Educação, Juventude e Desporto Timor Leste atu kontinua esplora area nesesidade no prioridade sira no Ministério da Educação, Tailándia prontu atu apoiu nafatin liu-liu iha area tékniku vokasional.
Akompaña Vice-ministro ho delegasaun iha enkontru mak Embaixadór RDTL ba Reinu Tailándia Sr. Joaquim Amaral no ofisial embaixada.
Hafoin ne'e, Vice-ministro halao mos enkontru informal ho Embaixadór Joaquim hodi fahe informasaun no atualiza servisu edukasaun nian.
HOTU
#MediaGabineteVMEJD