LANSAMENTU PLAYGROUND FAZE DARUAK IHA MUNISIPIU MANUFAHI

Dili, 27/02/2020: Hahu mantadu iha VIII Governo Constitucional, MEJD fó atensaun seriu ba edukasaun nivel Ensino Pre-Escolar nian, konta ho apoiu Parseriu Dezenvolvimentu hosi Governo Nova Zelandia, tulun ona hodi harii Fatin-Halimar/Play Ground Faze II ba nivel EPE sira iha Timor-Leste, hamutuk 76 fasilidade Playground.
Iha Sabado, 22/02/2020, semana kotuk liu ba, Excia. Ministra Educação, Juventude e Desporto (MEJD), Dulce de Jesus Soares, lansa ona Palyground ba EPE Francisco Asisi, iha Suco Fatucahi, Posto Administrativo Fatuberlihu, Municipio Manufahi (Sabado, 22/02/2020).
Projeto refere bele realiza tanba generosidade hosi Governo Nova Zelandia, liu hosi Projeto HANDS, ho koperasaun mutual Ministerio Administração Estatal (MAE), Timor-Leste nian, liu hosi Projeto Nacional Dezenvolvimento Suco (PNDS).
Agora dadauk, projetu konstrusaun fasilisade Playground ba nivel EPE konsege realiza ona hamutuk fatin 66 iha teritoriu Timor-Leste tomak, no Municipio Manufahi deit, hetan Playground 12 ba EPE sira. Hein katak inisiativa ne'e bele motiva MEJD atu dezenvolve liu tan fasilida hanesan iha futuru.
Lansamentu playground ne'e akompaña hosi Excia. Abilio Caetano, Vice Ministru no Ministru Interinu Administrasaun Estatal (MAE) nu'udar parseriu Governu Timor-Leste nian, no mos Excia. Embaxador Nova Zelandia Sr. Peter Hewitt, nu'udar nain ba Projetu HANDS, ne'ebe durante ne'e serbisu besik los ho MEJD.
Nota referensia ba Media Publiku:
Playground ne’e nudar faze ida husi projetu Playground 122 nebe sei konstrui liu husi programa ‘Halimar, Aprende no Deskobre Susesu‘ (HANDS).
Projetu ida ne’e implementadu liu hosi kooperasaun ho MEJD ho MAE, no New Zealand Aid Programme (NZAID), Australian Aid Programme (AUSAID), Munisipiu sira no importante liu eskola (Nivel EPE) lokal sira.
MEJD agrade ba ekipa serbisu alargada hosi PNDS, HANDS no Diresaun Nacional Pre-Escolar nian, ba sira tomak koperasaun nebe diak tebes. Ita hein katak sei iha playground barak tan mak sei konstrui iha tinan 2020 ba oin.